انا رضا خلصت كلية واتخرجت وبعدين روحت علشان اشتغل محاسب فعملت السى فى بتاعى وروحت لشركه كبيره شوف بقى الحديث اللى دار بينى وبين المسئول

من طرف **كاجووو** الإثنين أكتوبر 26, 2009 2:13 am

انا رضا المتقدم لوظيفة محاسب فى شركة سيراميكا كليوبترا
المهم انتوا فى الاخر هتعرفوا الوسطه ولا التقدير ولاالدورات اللى بتنفع

[ندعوك للتسجيل في المنتدى أو التعريف بنفسك لمعاينة هذه الصورة]

انا: دخلت مكتب المسئول وقلت السلام عليكم
المسئول:رد وعليكم السلام ازيك يارضا اقعد قعدت وانا كنت مرتبك
المهم انا قعدت على الكرسى والمسئول بدأ يسألنى عدة اسئله منها مايلى:
انت اشتغلت قبل كده ولا دى اول مره
انا قولتله لا ياباشا انا لسه متخرج السنه دى
المسئول:يعنى انت لسه فاكر كل حاجه عن المحاسبه
انا: ضحكت ههههههههههه ياباشا انا بقالى خمس شهور مبصتش فى اى كتاب علشان كنت مشغول فى ورق الجيش
المسئول: اوكى المهم يارضا تعرف ايه عن المحاسبه
انا: تنحت كده وقلتله اهه
المسئول: تعرف ايه يارضا عن المحاسبه
انا:رديت عليه وقلتله المحاسبه هى عباره عن علم منظم يقع بين مجموعه من المفاهيم والمعايير
المسئول:اجابه ناقصه طيب يارضا على اى اساس ترتب الاصول فى الميزانية؟
انا:اجبت وقلتله على اساس درجة السيوله
المسئول:طب وعلى اى اساس ترتب الالتزامات؟
انا:اهه
المسئول:ماشى يارضا ازاى تفرق بين الاصول المتداوله والثابته؟
انا:اهه يعنى مش عارف
المسئول:طب يعنى ايه السحب على المكشوف؟
انا:ضحكت ههههههههه حضرتك بتسئلنى اسئله صعبه جدا
المسئول:طب يارضا ايه هى معادلة الميزانيه؟
انا:هى ان الاصول=الالتزامات+حقوق الملكية
المسئول:ايههى التدفقات النقديه؟
انا:معرفش
المسئول:تقديرك ايه يارضا فى الكليه
انا: جيد مرتفع يا باشا
المسئول:مهو باين هههههههه طب انت واخد دورات ايه يارضا
انا:واخد دورة dsl
المسئول:ههههههههه تقصد icdl
انا:ايوه هى دى اصلا انا دايما بتلخبط بينهم
المسئول: ماشى يارضا انت يارضا لولا انك متوصى عليك والله انا مكنت قبلتك بس حكم القوى على الضعيف
المسئول: حسبى الله ونعم الوكيل على اللى علموك يارضا

المهم ياجماعه انا دلوقتى اتعينت فى قسم المشتريات وبقيت اقبض اكتر من الف جنيه

ايه رايكوا بقى الوسطه ولا التقدير ولا الدورات اللى بتنفع

ارجو من حضراتكم الرد والتواصل معى kajo

من طرف **ali.zyada** الإثنين أكتوبر 26, 2009 2:51 am

ههههههههههههههههههه ايه ياعم رضا انته بتتنبـأ باللى هيحصل ولا ايه هههههههههه

بس نايس توبك والله

انا من راييى بعيد عن انه كل الشغل بقا بواسطه .. من راييى انه الواحد يعمل اللى عليه تقدير ودورات .. ووقت الشغل يشوفله واسطه كده تسنده ههههههههههههههههههه وربنا يستر علينا لا تقدير ولا دورات ..... ولا واسطه ههههههههههههههه

انا رضا خلصت كلية واتخرجت وبعدين روحت علشان اشتغل محاسب فعملت السى فى بتاعى وروحت لشركه كبيره شوف بقى الحديث اللى دار بينى وبين المسئول

انا رضا خلصت كلية واتخرجت وبعدين روحت علشان اشتغل محاسب فعملت السى فى بتاعى وروحت لشركه كبيره شوف بقى الحديث اللى دار بينى وبين المسئول

رد: انا رضا خلصت كلية واتخرجت وبعدين روحت علشان اشتغل محاسب فعملت السى فى بتاعى وروحت لشركه كبيره شوف بقى الحديث اللى دار بينى وبين المسئول