امتى هنلتزم .....؟؟!!

من طرف **mahmoudbrkat** الثلاثاء أكتوبر 06, 2009 1:15 pm

[ندعوك للتسجيل في المنتدى أو التعريف بنفسك لمعاينة هذه الصورة]

الحمد لله رب العالمين والصلاة والسلام علي محمد وعلي أله وصحبه وسلم وبعد

خلينا نخش في الموضوع علي طول .

وإنت يا اللي بتخش تكتب جزاكم الله خيرا دون قراءه لو سمحت إطلع بره

مش عاوزك تقرأ الموضوع

أهم حاجه نوصل لحل اليوم

وخلينا نتخيل كيف الوضع في بيت من اللي مشغل مولدي وروتانا سينما ((( مش هتقدر تصلي الفجر)))

طيب عاوزين الراجل اللي قاعد جنب المدام بتاعته وبيتفرج علي الفلفزيون ( التلفزيون يعني )

وفاتح روتانا سينما .. وفيه فيلم عربي شغال من الله لا يبارك للمنتج ولا للمخرج ولا للممثلين .

طبعا الراجل قاعد ومراته بتتفرج ويجي مشهد من الفيلم للراقصه اللولبيه اللي مو مستغطيه . والست قاعده

وسايبه جوزها يتفرج علي الرقاصه ولا أي شئ ..((بصراحه أنا لوراجل و متزوج وزوجتي رأتني أنظر لموقف مثل هذا ولم تغتاظ فهي إذن لا تغير علي ولا تلزمني ))

شويه المشهد بتاع الراقصه فات وجه المشهد مثلا وليكن للمثله ((مزبلة الجماهير)) .. مع الفنان الشهير (( خنفسة الشاشه)) وقام أستغفر الله العظيم <<< كلام مشفر,,,,,,,<<<

والراجل سايب زوجته تتفرج علي المنظر ده أين الحياء!!!!

طيب بدل ما نعك ونجيب كلام غلط أنا عاوز أفكرك

,

إنت فاكر الراجل اللي مات من هول المنظر

أه والله مات صعق وقهر وأدي ذلك إلي موته

أتظن أنه مات لرؤيته أحد بيوت المسلم يهدم

أو لؤيته دماء الاسلام تسفك

لا والله

مات لأنه رأي شباك نادي الأهلي تهتز بهدف

أسألك بالله عندما يبعثه الله ماذا يقول له ؟

بلاش بلاش سيبك من اللي فات

إنت فاكر الأخ اللي ما نمش الليل

أرق وصداع

وألم وحزن

وكل هذا

لما

تخيل

إمجين معايا

أيوه

لأن سوسو كنسلت الموبايل في وشه

ويا عيني هو يرن وهي تنكسل

لغاية أما الموبايلات اشتكت

بلاش بلاش نشوف حاجه تانيه

شايف الأخت اللي فاتحه الأخبار

وقاعده تتفرج علي إخوتها في فلسطين

وبتمسح دموعها وحاطه جنبها جردل بتعصر فيه المنديل

((أيوه ياحاجه إحنا مستنين المشهد ده من الصبح))

أصبر علي أنا هديك كرسي في الكلوب الوقتي

مهي دي نفس الأخت اللي بتلبس بنطلون شرلس تون اللي بيتلبس بصابونه

وهي هياها نفس الأخت اللي كانت مقطعه نفسها من البكاء

في نهاية الفيلم الرومانسي

نقول لها وفري دموع التماسيح

فوالله لن تنفعك

فأنت لن تدخلي الجنه ولن تشمي ريحها أبشري

هذا ليس كلامي ولكن كلام من لا ينطق عن الهوي

طيب بالله عليكم

خبروني

شباب يتسكع بالطرقات

وبيوت تضج بالمعاصي

وقلوب خربه كالمقابر

ومعاصي تصعد منا إلي الله من كل حدب وصوب

ونقول متي نصر الله !!!

فوالله الله عدل

وهو الآن يعاملنا بفضله

فوالله لو عاملنا بعدله ما تركنا علي وجه الأرض .

طيب والحل يا دمعه

معلش اتأخرت

شوفوا من غير لف ولا دوران

عاوزين نلتزم أو نحاول نكون مع الملتزمين

طيب مين الملتزمين ؟؟

هس هس هس

الصوت ده جاي منين اللي بيقول الإخوان

وإنت يا اللي بتقول التبليغ

وإنت يا اللي بتقول كذا وكذا

إستني عاوزين نبين شئ

النبى قال صلى الله عليه وسلم افترقت اليهود على أحدى وسبعين فرقة وافترقت النصارى علىاثنتين وسبعين فرقة وستفترق أمتى على ثلاث وسبعين فرقة كلها فى النار إلا واحدة قيلمن هى يا رسول الله قال ما عليه اليوم أنا وأصحابى

طبعا هيطلع لي واحد رذل .. يقولي أنا أول مرة أسمع الحديث ده .

معلش هستحملك

طيب إفتح يا حبيبي المصحف تمام

هات سورة النساء

وهات الأيه

115

ها إقرا سمعني بتقول أيه

أيون

قال الله

وَمَنْ يُشَاقِقِ الرَّسُولَ مِنْ بَعْدِ مَا تَبَيَّنَ لَهُ الْهُدَىٰ وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّىٰ وَنُصْلِهِ جَهَنَّمَ ۖ وَسَاءَتْ مَصِيرًا (115)

سؤال فريد من نوعه

حبيبي في الله أيها القارئ من هم المقصود من لفظ المؤمنين في الآيه ؟؟

ممتاز وبلاش كلمة شاطر ((لأان الشاطر هو قاطع الطريق أنا مش عاوز اشتمك))

أيوه الصحابه من المهاجرين والانصار

يعني أيه نوله ما تولي .. أيوه مظبوط يعني لا نريد منه شئ ..

أظن نصله جهنم وساءت مصيرا دي واضحه

إذن معاها يا حبيب

إن اللي هيخالف النبي من بعد ما شاف الحق وعرفه (( وأهو انت عرفت يا سكر)) ويمشي في طريق غير طريق محمد وصحبه .. ربنا مش عاوز منه حاجه وهيدخله جهنم .

وبالجمع بين الحديث والأيه نستنتج أن

الفئه الناجيه التي أيدها الله بالحق هم من يأخذون بمنهج القرآن والسنه زي ما الصاحبه فهموه وعملوا به

يعني قرآن وسنه بفهم سلف الأمه ..

يا دمعه لحظه (( أيه السلف دي ))

يا عم من غير كلام مكلكع ولا حاجه .

السلف دي كلمه كانوا بيقولوها علي الصحابه و التابعين اللي كانوا بيعملوا زي الصحابه

خلا ص أنا كدا قلت اللي عندي

والسلام عليكم

انا عاوز رايكم كلكم اتمنى انه يكون عجبكم

من طرف **أبو زايد** الثلاثاء أكتوبر 06, 2009 1:27 pm

بجد موضوع روعه يامحمود وربنا يبارك فيك وبجد كله كلام بيحصل وقدام عنينا وبجد كل الناس محتاجه وقفه بقا وعاوزين نرجع لربنا من تانى

الف شكرا ياحوده

من طرف **ali.zyada** الثلاثاء أكتوبر 06, 2009 1:59 pm

الله اكبر بجد ماشاء الله عليك يا محمود بارك الله فيك بجد موضوع
هايييييييييييييييييييييل

مثبت [ندعوك للتسجيل في المنتدى أو التعريف بنفسك لمعاينة هذه الصورة]

من طرف **misho** الثلاثاء أكتوبر 06, 2009 2:30 pm

جزاك الله كل خير يا كوووووووووووووووته

ربنا يبارك فيك وجزاك الله كل خير

من طرف **Al7ob_fe_ellah** الأحد أكتوبر 11, 2009 6:07 am

تسلم يا محمود على الموضوع الجامد ده
وربنا يهدي كل من ضل

اللهم اهدنا الى الطريق المستقيم واهد كل شباب المسلمين ... آمين آمين .

من طرف سيدعسل الأربعاء أكتوبر 14, 2009 5:36 am

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **ahmed shehata** الخميس أكتوبر 15, 2009 11:19 pm

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **ميدو مشاكل** السبت أكتوبر 17, 2009 11:02 am

جزاكم الله خيرا

من طرف ابن نبتيت السبت أكتوبر 31, 2009 12:00 am

موضوع روعه وانا فخور بابناء نبتيت وهذه النماذج المشرفه من شباب القريه

من طرف **ali.zyada** السبت أكتوبر 31, 2009 12:04 am

منووووووووووووووووووووور ابن نبتيت .. احنا اللى فخورنين بوجود حضرتك معانا نحاول نعمل اى حاجه مفيده لبلدنا .. ونستغل النت فى اشاء مفيده .. ده باذن الله لما نحط ايدنا فى ايد بعض .. ونتمنى من حضرتك التواجد معانا .. وللمره التانيه منووووووووووووووووووور المنتدى .. ابن نتبت

من طرف rzek ali الإثنين ديسمبر 14, 2009 6:47 pm

[ندعوك للتسجيل في المنتدى أو التعريف بنفسك لمعاينة هذه الصورة]

امتى هنلتزم .....؟؟!!

امتى هنلتزم .....؟؟!!

رد: امتى هنلتزم .....؟؟!!

رد: امتى هنلتزم .....؟؟!!

رد: امتى هنلتزم .....؟؟!!

رد: امتى هنلتزم .....؟؟!!

رد: امتى هنلتزم .....؟؟!!

رد: امتى هنلتزم .....؟؟!!

رد: امتى هنلتزم .....؟؟!!

ميدو مشاكل وصل

رد: امتى هنلتزم .....؟؟!!

رد: امتى هنلتزم .....؟؟!!

رد: امتى هنلتزم .....؟؟!!