الحوار التالى مع أحد المساطيل من إحدى الغرز على ناصية الشارع
2 مشترك
صفحة 1 من اصل 1
الحوار التالى مع أحد المساطيل من إحدى الغرز على ناصية الشارع
فى ظل الأوضاع الحالية ، ومجاراة لعصور القنوات الفضائيه كان لنا الحوار التالى مع أحد المساطيل من إحدى الغرز على ناصية الشارع
وبدأنا الاسئلة :
وكان أول سؤال للمحاور : بصفتك واحد من المواطنين المحبين والمضحين من أجل هذا البلد...
كيف ترى مستقبله ؟
وكانت اجابة المسطول : أكيد هيكون لوز وأخر بهجة .
والناس هتكون فووووووووووووق وطايره وأخر سعادة .
المحاور : فى رأيك .. ما هى أفضل الأساليب والطرق اللازمه لحل كل المشاكل التالية :
البطاله ؟
المسطول : إننا نموت الشباب الجديد الصاعد اللى عايز يشتغل من دلوقت ، قبل ما يموت من الحسرة ... أو يفكر انه يفجر نفسه .... وبكده يكون عندنا وظائف خاليه للجيل اللى بعده .
تلوث المياه ؟
المسطول : دى بقى حلها سهل جداً .. الميه المعدنية موجوده ومتوفرة فى كل مكان وبأى كميه .. ولا احنا بقى غاويين صنع مشاكل وخلاص ....
وأنا لى رأى ممكن يحل الموضوع ده .. إن يتصرف لكل مواطن إزازه ميه معدنية نظيفة على التموين وأظن إن ده حل كويس يرضى جميع الاطراف .
رغيف العيش ؟
المسطول : أعتقد إن لغاية النهارده وحتى هذه اللحظه إنه فى متناول يد الجميع
وسعره مدعم لكل الناس .. ويعنى هو لو كان شاحح شوية فى البلد فالبديل موجود....
البسكوت حلو وجميل وفى منه كمان بالشيكولاته ...
وموجود فى كل مكان .. العيب فى الناس اللى مش عايزة تفكر فى حلول لمشاكلها .
الصرف الصحى ؟
المسطول : نلغى حاجة اسمها حمامات دى خالص ويتوفر لكل مواطن أكياس بلاستيكيه
يقضى فيها حاجته .. وأهو برده يبقى استثمار للفضلات .
التعليم ؟
المسطول : دى بقى أهم حاجه لازم نعالجها بجد .. لأن التعليم هو اللى بيربى النشء
للمستقبل وبيصنع الأجيال .. بس أهم حاجة لازم نعلمها لولادنا .. امشى جنب الحيط ..
ارتفاع الأسعار ؟
المسطول : ممكن نحلها بخفض الأجور لكل فئات الشعب .. وهنا الناس مش هتعرف تشترى حاجة والتجار مش هيبيعوا ، تحصل حالة كساد أكتر .. هيضطر التجار يخفضوا ثمن
السلع بأقل من ثمنها الحقيقى .. وتبقى كل حاجه ببلاش .
المحاور :
وأخيراً .. فى ناس عمالة تتكلم وتقول إن كل حاجة دلوقت بتغلى وبيرتفع سعرها ....
ما عدا الإنسان هو بس اللى بيرخص ... إيه رد حضرتك ؟
المسطول :
أه ... لما الناس تفوق بجد وترفض تتعامل على إنها حيوانات ... وعلى الأقل يتعاملوا بينهم
وبين بعض على إنهم بنى ادمين ... وكل واحد يعرف حقوقه وواجباته و ........المحاور : بس .. بس ... ستوب ... أنت بتقول أيه ؟
إنت جاى تفوق دلوقت .... فاصل ونعود مع مسطول أخر من غرزة تانيه فى حتة تانية .....
mahmoudbrkat- مشرف
- عدد المساهمات : 143
تاريخ التسجيل : 29/09/2009
العمر : 35
رد: الحوار التالى مع أحد المساطيل من إحدى الغرز على ناصية الشارع
هههههههههههههههههه موضوعك روعة ياحوده وحاسس انه كان بيكلم اللمبى مش عارف ليه الكلام كله متشقلب وفى اخر الفيلم يعطينا نصيحه
ههههههه شكرا ياحوده ومنور المنتدى
ههههههه شكرا ياحوده ومنور المنتدى
مواضيع مماثلة
» وصلت بيهم الوقاحه يقعدوا كده فى الشارع & استغفر الله العظيم وبجد مهزله
» اقرأوا الحوار من طقطق لسلام عليكم
» اقرأوا الحوار من طقطق لسلام عليكم
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى