حتى ابليس مش عاجبه حالنا ....!

تعالو نشوف ابليس عامل ايه
..
على باب سفاره امريكا
لمحت ابليس وف ايده استماره...
بقول على فين؟
قاللى بص...
يا هجره يا اعاره..!
يا عم انا زهقت كفرت...
الاقيش معاك سيجاره..
انا انتهيت خلاص...
لا نافع خناس ولا وسواس...
ولا ليا عيش وسط الناس...
دى عالم مجرمين
عندكو فائض فى الفساد...
فى كل البلاد
ومش محتاج شياطين..
مليش عيش فى البلد دى..
بقالى سنين عاطل...
وانتو بتعرفوا تقلبو الحق باطل...
وتسلكو القاتل..
وتمشو فى جنازه المقتول...
ومفيش مشاكل...
يا عم انا بقيت اوسوس بالمقلوب...
واقول الحرامى كفايه بقى توب..
انت هاتعمل كل الذنوب لوحدك...
وانا ابليس اشتغل واعظ..!
ولا كمسارى فى الاتوبيس..
يا عم انا زمان ...
كنت استنى واحد ينسى..
يسمى وهو بياكل لقمته...
دلوقتى كل اكلكم ملوث...
وبصراحه الواحد خايف ع صحته..
ده مفيش ضمير اساسا...
عشان اموته
وكل واحد بمزاجه..
خربانه ذمته..
يا عم ده كل حاجه اتسرقت...
وكده الاجيال الجديده..
م الحراميه اتظلمت..
يا راجل دا من كتر ما لطشت معايا..
خرجت ف مظاهره ..
مع الناس اللى بيقولو كفايه...!
وعجبى.

جامد يا عموره

مرسيييييييييييييه يا علووه

ههههههه جامد ياعموره تسلم ايدك
جامده بجد

هههههههههه
تسلم يا غالى بانتظار المزيد