الحقو يا جماعة امتحانات الثانويه اتسربت ودة سؤال النصوص

من طرف **كاجووو** الثلاثاء ديسمبر 15, 2009 12:55 am

[ندعوك للتسجيل في المنتدى أو التعريف بنفسك لمعاينة هذه الصورة]

يا جماعه رغم انه لسه بدرى على امتحانات الثانويه العامه الا ان امتحان اللغه العربيه اتسرب
بس انا مقدرتش أجيب غير النصوص أجبارى و أختيارى

يلا شيدو حيلكم

واللى يعرف يجيب حاجة يجبها

من قصيدة (أواخــر الـشـتــا)

للشاعرة / إليسا أبو ماضى

كنا فى أواخر الشتا قبل اللى فات

زى اليومين دول عشنا مع بعض حكايات

أنا كنت لما أحب أتونس معاه

أنا كنت باخد بعضى واروح له من سكات

أجب عن الأسئلة التالية:

1- علام يدل التعبير بصيغة الماضى؟ ولماذا اختصت الشاعرة الشتا قبل اللى فات؟

2- فى أى فصل من فصول السنة كتبت هذه القصيدة؟ (مستدلا على ما تقول)

3- علام يدل التعبير (أنا كنت باخد بعضى وأروح له من سكات)؟

4- أيهما أفضل (أنا كنت باخد بعضى) أم (أنا كنت باخد تاكسى)؟ ولماذا؟

5- اختر الإجابة الصحيحة مما بين القوسين:

- الجمال فى قولها (عشنا - معاه): (تصريع - جناس - حسن التفات)
-
(أروح له من سكات) المقصود ! بها: (دكاكينى - دحاليبى - ذرابيئى)

- مصدر كلمة (أتونس): (تَوَنًّس - تُونِس - تَنَاسَى)

- (زى اليومين) مجاز مرسل علاقته: (علاقه كليه - علاقه مدرسة - علاقه حضانة)

*****
والناس فى عز البرد يجرو ويستخبو

وأنا كنت باجرى وأخبى نفسى قوام فى قلبه

ولحد لما الليل يليل بابقى جنبه

وأفضل فى عز البرد وياه بالساعات

أجب عن الأسئلة التالية:

1- هات من الأبيات مضاد (النهار), وكلمة تؤدى معنى (معاه)

2- يرى بعض النقاد أن تكرار (فى عز البرد) أضعف المعنى. وضح ذلك مبينًا رأيك.

3- إلى أى مدرسة شعرية تنتمى الشاعرة؟ وما أهم سماتها؟ (بدون غلط)

4- هل ترى أن هناك علاقة بين (عز البرد) و (عز الدخيلة)؟ أم أنها تشابه أسماء؟!

5- أيهما أفضل (ولحد لما الليل) أم (ولغاية لما الليل)؟ ولماذا؟

*****
على سهوة ليه الدنيا بعد ماعشمتنا

وعيشتنا شوية رجعت موتتنا

والدنيا من يوميها ياقلبى عودتنا

لما بتدى حاجات قوام تاخد حاجات

أجب عن الأسئلة التالية:

1- اختر الإجابة الصحيحة مما بين الأقواس:

- (على سهوة) تفيد: (السرعة - العجلة - الموتوسيكل - التوك توك)

- (عيشتنا - موتتنا) تفيد: (التضاد - التأكيد - الحيرة فى اتخاذ القرار فى السقعه)

- كلمة تؤدى معنى (شوية): (بعضشى - حبه - بجنيه)

- المقصود بـ (يوميها) فى الأبيات: (يوم العاركة - يوم الخناقة - يوم الكرامة)

2- اشرح الأبيات شرحًا مفصلا باختصار.

3- أيهما أفضل (ياقلبى) أم (يانضرى) ام (يا دلعدي)؟ ولماذا؟

4- يتضح فى الأبيات أن (الدنيا ملهاش أمان .. خالص ..وقطيعه محدش بياكلها بالساهل). وضح ذلك مستدلا على ما تقول

5- استخرج من الأبيات مايدل على:

- عشمنى بالمحبة وشعلقنى بالهوا، حايلته حبة حبة زودها واتلوى.
- زألطنى الحب زألوط، نمت فى بنها صحيت فى أسيوط.

*****

وسط الشوارع ناس كتيرة مروحين

والناس ياقلبى هما هما وهو فين

وأنا ماشية باتلفت وباسأل كل يوم

بيعمل إيه دلوقتى وبيحلم بمين

أجب عن الأسئلة التالية:

1- يتضح فى الأبيات الشوق اللهفة وتطلع الشاعرة لرؤية (اسم حارسه الأفندي بتاعها). اشرح

2- يؤخذ على الشاعرة (وأنا ماشية باتلفت). وضح ذلك مبينًا مدى التعارض مع قواعد المرور.

3- فى الأبيات لوحة فنية رائعة للناس اللى مروحين والمطرة اللى خلصت وبعد ما الخناقة انفضت قام شريف الظالم

هههههههههههههههههههههه يارب تنجحوااااااااااااا

من طرف **ali.zyada** الثلاثاء ديسمبر 15, 2009 1:23 am

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه معلم والله معلم

من طرف **كاجووو** الثلاثاء ديسمبر 15, 2009 1:52 am

شكرا لمرورك على مواضيعى وياريت تكون انبسطت وضحكت وشكرا

[ندعوك للتسجيل في المنتدى أو التعريف بنفسك لمعاينة هذه الصورة]

الحقو يا جماعة امتحانات الثانويه اتسربت ودة سؤال النصوص

الحقو يا جماعة امتحانات الثانويه اتسربت ودة سؤال النصوص

رد: الحقو يا جماعة امتحانات الثانويه اتسربت ودة سؤال النصوص

رد: الحقو يا جماعة امتحانات الثانويه اتسربت ودة سؤال النصوص